نكت مش حتقدر تغمض عنيك

سيارة فيها كلشي بالكمبيوتر َتيْنَبه

مولاها عند أي تجاوز..شعل كٌارو

قاليه :

والله تمريض.. اطفي اطفي الكٌارو ..

حط رجله على الدواسة،الكونتور (العداد)

طلع ل 80 كلم/ س قاليه :

انتبه انتبه انت بسرعة ثمانين كلم/س..

زاد وَرﱠك طلع للمائة.. زاد ورك طلع

لمياتين وهو يقول ليه :

ناري ناري.. باغي تقتلني.. حيوان .. كغاك

تيبان لي عاجبك راسك.. كغاك

وقف وقف.. كغاك

نزلني وتلاح يلاه.. كغاك كغاك

عدول
جا ت عندو امراة وراجل باش يعقد عليهم قال ليها شنو سميتك الالة.. قالت
ليه: جميلة ، مني شاف فيها لقاها ماتماش وهو يلوح ليهم الوثائق وقال
للشهود : وتما سيرو بحالكم رَ مَغَادِين تشهدوا غِي الزور..

واحد اهدى لحبيبته وردة فرحات بها بزاف ومقداتهاش الدنيا.. وهي تقول ليه : هذه الوردة عطيتيها لي من قلبك؟ قال ليها لا من الحديقة..

محشش
وقفو بوليسي وهي تبان ليه الأرقام الأمامية مختلفة على الي في الخلف قاليه
: منين هدو ماتيتشابهوش فيها إن ياك؟ مد ليه شي حاجة في يده وقال ليه :
وهي دبا انت وجهك تيشبه لكٌفاك..

محشش وقفو بوليسي وقال ليه : تامال الماتريكيل (رقم السيارة) مباينش؟ وهو يقول ليه: متخممش الساط راني حافظو

ﭘـبا ركور (عن ظهر قلب)..

واحد مشى تيسول على صاحبه من مدة مشافو.. دق في باب الدار خرجت أمه .. قالت ليه صيفتناه أولدي يشري لنا اللحم وشهرين هذه مبان..

قال ليها: وشنو درتو؟

قالت ليه: الدجاج..

تنقولو
مبلوزة أو تدخل وتخرج في الهضرة إمرأة في الحمام .. كٌالسة بجنبها أخرى
وهي تسولها: أشنو سميتك أخيتي ؟ لخرى الشوينكوم في الحمام ومعفرة مقدهاش
الدنيا..وخا هكاك هداها الله وجاوباتهاوتطرطق في المسكة: سميتني نور
الهدى..ومَقُلْتِليشْ انت ِ شنو سميتك؟ هي سميتها الضاوية .. حشمات تقولها
بغات تنقل قالت ليها نور تلفات ليها الهدى وهي تقول ليها: الدين

( زعما نور الدين )

مكلخ
تيتفرج في التلفزة وشاف واحد نقز من فوق عمارة عالية ومربوط بحبل وقال
والله هذه تاساهلة .. اختار عمارة علوها 30مترو، اشرى حبل طوله 26مترطلع
فوق العمارة وتلاح ..مني هبط راسو تغرس في الأرض ..الناس كٌاع قالو ولد
فلان انتحر..

في التحقيق ديال البوليس سولو الدروكٌري:شحال بعتي
ليه من متر؟قال ليهم هو طلب لي 26متر ولكن مني باه صاحبي زدتو 4 مترومن
عندي فابور..

واحد البوجادي مشى مع ولد عمو المدينة حضر
فواحد عيدالميلاد الجوق خدام دردك زيد دردك، دردك عاود دردك وهو يجيه حالو
دخل لابيست وبقى تيهمص العروقات نازلة والبوط عطات منو ريحة الخنز..ولد
عمه بغا ينبهووهو يغوت عليه:والبوط أحميدة البوط وسد نيفو.. الهماص شد في
جنابو وبدا تيهزفي البوط هانا عاوتاني.. مني سلاو وهو يقول للحاضرين : هاد
الشي زين.. ومرحبا بيكم الجماعة السيمانة الجاية عيد ميلادكم عدي ..

واحد
مشى عند آخر وقال ليه تشهد لي زور وتاخد عشرلاف بلا فلان سلفتو مليون
ومردهاش لي ؟ وهو يقول ليه : على باقي مردهاش ليك تنكٌوليك أصاحبي مبقيش
تسلفو.. هداك راه جرارة ..

التمساح جاب الربيع فرشو باش
ينعس..نسى شي حاجة مشى يجيبها ..القرد حاضيه..خلاه مشى وهو يرمي ليه
الربيع في الواد..مني رجع ملقا والو.. هز عينيه للفوق وهو يشوف القرد :

ماشفتيش شكون هزليا ربيعي من هنا القرد..

وهو يقول ليه :

بالعمى ماشفتو ابو بريص

عتق عتق بوفم تيعاير..

واحد
شاف صاحبو سكران تيكتب الثمنية برجليه معقلش على راسو ..خاف عليه لتجي
السطافيط تديه قال ليه : مالك أصاحبي حالتك حالة.. يلاه يلاه نوصلك
للدار..قال ليه راني تنتسنى دارنا دوز وندخل ليها..يتوب عليك الساط..

واحد
دايز على سكران وهو يسولو على عنوان مكتوب عنده في ورقة .. شدها وتعطل في
القراية مقفل والو.. وهو يقول ليه : هاد صاحبك الساط مقالش ليك فين ساكن؟..

واحد
فين ما تيسكر تيعجبو يكٌلس جنب الطريق..الطموبيل الي دازت تتكلاكسوني :طوط
..تيرد عليها: وعليكم السلام.. طوط .. وعليكم السلام..دايز واحد وهو يقول
ليه : السلام عليكم ..وهو يقول ليه طوط..

بوجادي سرقو ليه
الطوموبيل سولوه على الماتركيل (رقهما)قال ليهم : نكٌول ليكم تسعلاف وشي
سبعة أو ثمنية وقيل تسعود هي موصلاش لعشرلاف محالش ..

واحد قال لصاحبه: مشيت الساط للحمام وهو يدخل لي الماء فودني.. قال ليه: ذخل ليها الضوء وكريها..

واحد جاه الوجع مشى عند الطبيب .. قال ليه شنو كليتي؟ قال ليه بيمو ديال الدجاج متاء.. ضامات ديال البنة ماجي..

قطة دايزة لقات قط تينبح تعجبات وقال ليه وتامالك تلفتي الله تبقي الستر ؟ قال ليها :

وا مكيف..أوزيدي عليها كاعي فيها شي حاجة.. البركٌيكٌ رياضة للعينين ياكي..

شنو الفرق بين الحولي الجاهل والحولي المتعلم؟

الحولي الجاهل تيقول ماااء

والحولي المتعلم تيقول H2o

واحد قالو ليه مني تاكل سمي الله راه الشيطان تياكل معاك ناض دار السم في الماكلة..

علاش الخباز تيحيد المكٌانة من يده مني تيبغي يعجن ؟

باش ميخليش الدقيق يتلاقى مع الدقيقة..

دري نزق بغا يتريكل على جده وهو يسولو: شحال هذه ماكلتي اللحم.. أجدي؟

وهو يولي على امها ديب رقق صوته وعوى :

شحاهآهآآآآآآل هادي (زعما من مدة طويلة)

بغيتي تعدب شي مكلخ : اعطيه ورقة مكتوب عليها من الوجهين إقلب الصفحة..

واحد كال أوأكل صابونة .. بغى يغسل مصارنو..

قزم طاح من الطابق العاشر تعلق في التروتوار الرصيف..

أحول بغا يطل من الثقبة د الساروت شاف بعينيه بجوج..

أحول بغا يطلق مراتو طلق امراة اخوه..

الدار الي فيها الأحول فيها البركة.. حيتاش تيشوف جوج من الحاجة ..

أحول ضرب راسو مع الحيط قال :

آآح أميمتي رجلي..

وجه الشبه بين المدرسة والحمام :

بزوج فيهم السطولة..

واحد قتل راسو وهرب..

» كاركتير جميل ادخل مش حتقدر تغمض عنيك