ابو حسين المدير العام
عدد الرسائل : 453 تاريخ التسجيل : 05/03/2008
| موضوع: نكت رائعه اوعى توقع من الضحك الأحد يناير 25, 2009 3:21 pm | |
| مره واحد تعب من المشى طلع يجرى مره سواق تاكسي داس بنزين موته مدير مدرسه عمل فرح وزع على المعازيم ارقام جلوس واحد اتجوز واحد اسمها نعمة باسها وش وضهر مره واحد فتح الثلاجه لقى الجيلى بيرتشع قال له ماتخافش انا ها اشرب ميه واحد سباك نفسه اتسدت الشقه غرقت مره ديك بيقول لفرخه تتجوزينى قالت له ده ابويا يقطعنى واحد اخذ الدواء قبل ميعاده ليييييييه علشان يفاجى الجراثيم صاحب محل فيديو جيم مات فكتب على قبره جيم اوفر بخيل واقف فى البلكونه ابنه جاى من بعيد يقول با با با قال له يا كلب بابا واحد كفايه بخيل قال لابنائه من سينجح منك سأريه سياره الايس كريم بخيل اتجوز بخيله جابو بنت سموها حصاله - بلدياتنا ربح مليون جنيه خافوا يبلغوه يموت مصدوم. قال العمده: أنا أقوله. قال يا محمدين لو كسبت مليون هاتعمل بيهم إيه؟ قال: أديك نصهم. مات العمدة!! - مسطول قطع رأس أخوه وهو نايم وقعد يضحك ويقول: هيتجنن لما يصحى وميلقهاش !! - بلدياتنا لقي كنز قال: كويس فاضل الخريطة !! - ولد بيسأل أبوه: هي الحمير بتتجوز؟؟ قاله: يا بني مبيتجوزش أصلاً غير الحمير . - واحدة سودة قوي ركبها عفريت حاولوا يطلعوه قالهم: نفسي أطلع بس مش شايف . - واحدة بتقول لجوزها اطرد السواق ده كان حيموتني مرتين في حادثة قال لها: خلينا نديه فرصة ثالثة ... - بلدياتنا قال لأبوه: رخصة السواجة خلصت يابوي قاله: من لفك في الشوارع طول النهار . - مسطول صدم شرطي وموته راح متصل بـ122 وقالهم: أحب أبلغكم إنكم بقيتوا 121. - مسطول بيسأل مسطول التعلب بيولد ولا بيبيض قاله التعلب مكار توقع منه أي حاجة رة واحد كسلان جدا كان فى لجنة الامتحان القلم وقع منه فى اول اللجنة فقام سلم الورقة. - واحد بلدياتنا رجع من السفر لقى الشقة مليانه صراصير.. غير قفل الباب - ليه بلدياتنا مبيكلش الكباب؟عشان السيخ بيقف ف زوره - واحد بيصطاد طيور .. سألوه ليه لابس بجامه؟ قال علشان الطيور تحسبني نايم ! - قاضي بيسأل الحرامي : ليه سرقت علبة (الزيت) ؟ قال: مكتوب عليها شل..وشلتها ! - اثنين مدراء واحد عام واحد غرق. - قال صديق لصديقه:- هل تصدق أن زوجتي جثت على ركبتها من أجلي أمس. الصديق:- حقاً وماذا قالت لك. أجاب:- أخرج من تحت السرير يا جبان!. في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا أستاذ، الأستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ. - مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته. - مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا يوم التلات وهى يوم الخميس. - واحد أخنف حظه وحش قوي..وقع في حفره وفضل مستني لغاية ما واحد جه وعلى حظه كان أخنف برضه.. الأخنف اللي فوق قال ... استنى شوية .. حاطنّعك دنوأتي قاله بسنعة .. قال له و كمان بتتنيأ ؟ طب شوف مين حيطنعكّ - مرة واحد مسطول بيلعب كورة اخد الكورة على صدره طلعها من منخيره - بلدياتنا بيوقف تاكسي فسأله: فاضي يااسطة فقال له الأسطة: ايوة فاضي فقال له بلدياتنا: طيب ماتيجي تقعد معايا شوية واحد بلدياتنا سافر فلسطين عشان يعمل عمليه استشهاديه والاخوه الفلسطنين جهزوه بكل حاجه من المتفجرات وادوا له موبيل وراح مكان فيه اتنين اسرائليين قالهم افجر قالوا له استنى شويه اتصل تانى قالهم بقوا عشره قالوا له استنى اتصل قالهم بقوا ميه قالوا له فجر طلع السكينه وطعن نفسه. - فار قاعد يقول كل القطط تحت جزمتى لقى قط اسود وراه قال الا ابو سمره حبيبى. - تايه بيسأل واحد ماشى في الشارع ايه اسرع طريقه اروح بيه المستشفى ؟ قال له غمض عينك وعدى الشارع. - مفتش دخل الفصل وسأل مين قتل كلبير أول تلميذ خاف وقال مش انا يا استاذ التانى قال والله ما اعرف حاجه وهكذا كل الفصل خرج المفتش متضايق خرج المدرس وراه وقال له يا سياده المفتش انت متاكد ان اللى قتل كلبير في الفصل ده. - مره فيل داس على نمله قالت له ياواد ياتقيل. - عالم جاب ذبابة وضربها وقال لها طيري، فطارت، ولما قص جناحها قال لها طيري، ما طارت فاستنتج العالم وقال ان الذبابة اذا قصصت جناحها لا تسمعك. ذهب رجل إلى قسم الشرطة وهو يريد أن يتحدث مع اللص الذي اقتحم منزله أمس ليلاً والشرطة أمسكته ... فقال له الضابط سوف تأخذ فرصتك في الكلام معه أمام النيابة ... فرد الرجل، لا إني أريد أن أسأله سؤال واحد ... كيف استطاع دخول المنزل بدون أن تستيقظ زوجتي، إنني أحاول فعل ذلك منذ سنوات ودائماَ أفشل. بينما كان الرجل وزوجته يتجولون في مول تجاري ضخم.. تاهت عنه زوجته ولم يستطع أن يجدها وسط الزحام.. وفجأة رأى إمرأة جميلة فتقدم منها وقال لها.. هل تسمحين لي بالحديث معك ولو دقيقة واحدة.. فقالت له لماذا.. فرد عليها، لأني بمجرد أن أتحدث إلى أي إمرأة جميلة أجد زوجتي أمامي ولا أعلم من أين تأتي. خلال حفل زواج ... سأل طفل صغير أمه ... لماذا تلبس العروس فستاناً أبيض؟ فردت عليه الأم ...لأن اليوم هو أجمل يوم في حياتها... فأخذ الصغير يفكر قليلاً ثم سألها... ولماذا إذن يرتدي العريس بدلة سوداء؟ استيقظت إمرأة ذات يوم وهي تقول لزوجها، اليوم عيد الحب وقد حلمت بأنك أهديتني قلادة ذهبية مرصعة بالماس... ما معنى هذا الحلم؟ فقال لها زوجها في المساء سوف تعرفين.. وعندما أتى المساء وجدت زوجها يحمل علبة أنيقة وأعطاها لها بمناسبة عيد الحب وعندما فتحتها وجدت كتاب مكتوب عليه... تفسير الأحلام. مسطول يهنئ بالعيد : بمناسبة شهر الحج أهنيكم باليوم الوطني جعله الله زواجاً سعيداً وأمطار خير وبركة وأعاده لوطنه سالماً معافى وإنا لله وإنا إليه راجعون والله الهادي إلى سواء السبيل ودمتم ذخراُ لدينكم وحياكم الله ريفي بيسألوه الأجازة اخبارها ايه في اندونيسيا قال من كثرة مزارعها يبقي نفسك تكون خروف بلدياتنا سألوه تعرف انجليزي قال نعم قالوله طيب ايه معني كلمة كلب بالإنجليزي قال سهلة معناه دوك قالوله طيب دخلها في جملة مفيدة قال دوك الطبل مع المزمير فى شباب بلدياتنا راحو يلعبوا بلياردو واحد ركب على الطاولة وقال انا الحارس مسطول عيونه حمر راح لصاحبه قاله عيوني حمر اعمل ايه؟ قاله صاحبه ولا حاجة لو بقت خضر امشي
عدل سابقا من قبل ابو حسين في الخميس أغسطس 13, 2009 8:35 am عدل 1 مرات | |
|
mona1232006 مشرف
عدد الرسائل : 2 تاريخ التسجيل : 22/01/2009
| موضوع: رد: نكت رائعه اوعى توقع من الضحك الأحد يناير 25, 2009 3:30 pm | |
| | |
|
قطامش عضو مجتهد
عدد الرسائل : 47 تاريخ التسجيل : 12/02/2009
| موضوع: رد: نكت رائعه اوعى توقع من الضحك السبت يوليو 18, 2009 10:48 am | |
| | |
|